"Балық" жобасы". Ортаңғы қазақ тобы

Балықтардың тарихы туралы кітаппен танысу.

Топ балаларымен бірге Балықтар туралы суретті кітаппен таныстық. Балалардың қызығушылығы кітаптың әрбір беттерін ашқан сайын түрлі –түсті иллюстрациялық картиналарды көргенде арта түсті. Ата –аналар үйге берілген тапсырманы да өз деңгейінде орындады, балаларымен бірге кітап дүкендеріне барып, менің алғашқы энциклопедиям атты кітап арқылы балықтардың түрлерімен танысты. Топта күнделікті бос уақыттарында балықтар туралы әр түрлі кітаптар мен суреттер қарастырды.

Қаңтар айы
Балықтар туралы «Балық пен балықшы» , «Шортан балық» туралы ертегілермен таныстырылды.
Ертегіні балалар зор ықыласпен тыңдады. Ертегіні оқып шыққаннан кейін, өз түсініктерін айтып беруге тырысты. Қайталап аудиозапись арқылы тыңдатылды. Ертегі кейіпкерлері балаларға қатты әсер қалдырды. Ертегіден кейін магнитті балықтарды өз қолдарымен ұстап көріп, олардың құрлысымен танысты.

Демалыстағы қызықтар.
Ата –аналар жоспар бойынша балаларымен демалыс күндері Алматыдағы зообаққа, Мега орталығындағы аквариум балықтарына барып танысып қайтты. Балалардың қуанышында шек жоқ, олар өздеріне көптеген балықтар туралы мәліметтер жинап қайтқандарына разы. Судың ішінде балықтардың биологиялық тепе –теңдігін қалай сақтайтындарын көздерін жеткізді. Топқа келгеннен кейін өз көргендерін басқа балалармен бөлісті.

“Балықтарды құрастырайық”

Балалар топта балықтар жайлы пазлдар жинап үйренді. Бұл оларға қатты ұнап қызығушылықтарын тудырды. Пазлдар жинау арқылы өздерінің танымдық дамуларына үлкен әсер етті. Сондай –ақ трафераттарды бастыру арқылы да балықтардың суретін алуға болатынын көрді. Боямақ кітаптарды пайдаланып балықтарды түрлі –түсті түстерге бояп, өз қиялдарын одан әрі дамыта білді.

«Суасты әлемі»

«Суасты әлемі» атты видиофильм көрсетілді. Фильмді көргендегі балалардың қуаныштары орасан зор болды. Фильм арқылы балалар теңіздерде, мұхиттарда, өзен –көлдерде мекен ететін балықтардың түрлерімен таныс болды. Олардың жыртқыш түрлерінің көп екенін көрді. Балықтардан басқа суастын мекен ететін медуза, жұлдызша, суаттарын көру мүмкіндігіне ие болды. Фильмнен алған әсерлерімен кешкілікте ата –аналарымен бөлісті.

Бос уақытта.

Балықтар туралы боямақтарды бояу арқылы балалардың балық туралы білімдерін одан әрі бекітеміз. Ата –аналардың қатысуымен көптеген балық туралы бояу кітаптар әкелінді. Ата –аналар біздің жобаға зор ықыласпен бір кісідей қолдап, қатысып отырды. Балаларға балықтардың түстерін таңдауда видеофильмдер мен ата –аналарымен бірге аквариум балықтарына көрмеге барғандары көп көмектесті